My Mall مجلة للسياحة والتسوق والصحة
دبي. ماي مول
كشفت الفنانة المصرية صابرين، عن أصعب قرار اتخذته فى حياتها، مشيرة إلى أنه قرار ارتداء وخلع الحجاب.
وقالت صابرين خلال برنامج حبر سري على قناة القاهرة اليوم :”أصعب قرار إنى اتحجبت والأصعب أنى خلعت الحجاب ومكنش المفروض أعمل كده من البداية غير في التوقيت الصح وقبل خلع الحجاب بأيام كنت حاسة إني بعمل حاجات مش مصدقاها”.
وأوضحت صابرين أنها لا تصر على شيء إلا وهى مؤمنة به، مضيفة :”لازم أكون مؤمنة بالحاجة حتى لو هتحدى العالم والمهم أني مؤمنة باللي أعمله عشان هتحمل لوحدي النتيجة”.
وتابعت: “لما أخذت القرار الحجاب حسيت أني مش راضية على نفسي، وكنت ماسكة العصايا من النص، والنفس اللوامة تعاتب طول الوقت وتقولي ده غلط وده صح، وفى النهاية لا يكلف الله نفساً إلا وسعها ومقدرتش أكمل، وقلت لما يجى وقتها ربنا كريم وديننا دين معاملة، وأنا فاتتنى فرص كتير بسبب الحجاب لكن كنت مبسوطة”.
وردت على موقفها من إمكانية ارتداء الحجاب مرة أخرى قائلة: “إحنا هنحط الحجاب لما نموت، ومن غير ما أفكر فيه هيتلبس”.
